Bæta á óskalistaEr á óskalista
Bæta á óskalista
Vetrarsól
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2008 | 255 | 3.100 kr. | ||
| Kilja | 2008 | 2.390 kr. | |||
| Kilja | 2009 | 255 | 990 kr. | ||
| Rafbók | 2016 | 990 kr. |
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2008 | 255 | 3.100 kr. | ||
| Kilja | 2008 | 2.390 kr. | |||
| Kilja | 2009 | 255 | 990 kr. | ||
| Rafbók | 2016 | 990 kr. |
Um bókina
Í skáldsögu sinni, Vetrarsól, teflir rithöfundurinn Auður Jónsdóttir saman ólíkum heimum og varpar fram spurningum um lífsgildi, lífsviðhorf og lífsblekkingu – rétt eins og í hinum rómuðu verðlaunabókum Tryggðarpanti og Fólkinu í kjallaranum. Með óvæntum söguþræði og frumlegri sýn á tilveruna gefur Vetrarsól fyrri sögum höfundar ekkert eftir.
Lögreglan á höfuðborgarsvæðinu lýsir eftir Arndísi Theódórsdóttur, hún sást síðast við Korpúlfsstaði síðastliðinn föstudag …
Sunnu bregður í brún þegar hún sér tilkynninguna á netinu. Hún á bágt með að einbeita sér að glæpasagnanámskeiðinu sem hún á að sjá um því minningarnar frá samveru þeirra Arndísar í Barcelona sækja á hana. Auk þess eru jólaannir á forlaginu og lítill tími til að leita að týndri vinkonu. Ekki bætir úr skák að Axel sambýlismaður hennar er endalaust veðurtepptur á Ísafirði og Sunna er ein með tíu ára syni hans sem hún þekkir lítið. Þegar hún verður vör við að þrír framandi menn veita henni eftirför er engu líkara en að líf hennar sjálfrar sé að verða að glæpasögu …
3 umsagnir um Vetrarsól
Kristrún Heiða Hauksdóttir –
„Auður byggir persónuna, drög hennar, af mikilli slægð og fer svo brátt að lesandinn fyllist óþoli hvernig Sunnu rekur áfram í nútíð og fortíð. … Það er raunar ekki fyrr en á lokasíðum verksins að Auður dregur alla þræðina saman, rumpar þeim svo snögglega í vefinn og kemur hverjum fyrir í lyktum sem skilja lesandann eftir gapandi. … Hugsunarlaus getur Auður Jónsdóttir ekki talist í sköpun sinni. Undirliggjandi í öllum hennar verkum er himinhá siðræn krafa sem verður logandi í huga lesandans. Það þarf snjalla byggingarhugsun til að ná því í gegn.“
Páll Baldvin Baldvinsson / Fréttablaðið
Kristrún Heiða Hauksdóttir –
„ … saga Auðar er einhver sú besta sem ég hef lesið þetta haustið … Vetrarsól er samnefni að því leyti að sagan skín skært í skammdeginu. Frásagnarmátinn er einnig afar heillandi og stíllinn; ja, tja, hvað skal segja – dásamlegur!“
Eiríkur Bergmann / Eyjan.is
Kristrún Heiða Hauksdóttir –
„Vetrarsól er bráðskemmtileg saga. Hún er skrifuð af leikni og snerpu, og lesandinn hrífst með vandræðaganginum, uppákomunum og fjörlega sköpuðum persónunum og aðstæðunum þeirra …“
Einar Falur Ingólfsson / Morgunblaðið