Spurt og svarað um rafbækur

Skráin sem þú færð senda er þín eign. Það eintak bókarinnar er merkt þér með stafrænni vatnsmerkingu og því rekjanlegt til þín. Dreifing á skránni og/eða efni hennar er með öllu óheimil.

Stafræn vatnsmerking er leið til þess að vernda höfundaréttarvarið efni. Þegar þú kaupir og sækir rafbók af þessari síðu er eintakið af bókinni merkt þér í kóða skrárinnar. Vatnsmerkingin hefur ekki áhrif á skrána, notkun hennar né útlit bókarinnar.

Öll afritun bókarinnar er bönnuð og þú sem eigandi skrárinnar ert ábyrg/ur fyrir því að hún dreifist ekki til annarra. Rafbókin sem þú festir kaup á er aðeins til einkanota.

Með því að samþykkja skilmála þessarar vefverslunar staðfestir þú að stafræna varan (rafbókin) sem þú kaupir verði aðeins notuð til einkanota – hún er til að mynda ekki ætluð til dreifingar, láns, deilingar eða sölu. Þú undirgengst jafnframt að reyna ekki, eða hvetja aðra til, að sniðganga eða breyta þeim öryggisráðstöfunum er henni fylgja. Brjótir þú gegn þessum skilmálum getur það leitt til kæru.

Þegar þú kaupir rafbók á vef Forlagsins færðu sendan staðfestingarpóst sem inniheldur niðurhalshlekk. Þegar þú smellir á hlekkinn hleðurðu bókinni niður í tækið þitt og getur þá opnað rafbókina í því rafbókaforriti sem þú ert með.

• Það er hægt að lesa rafbækur í borð- og fartölvum með forritinu Adobe Digital Editions, sem nálgast má frítt hjá Adobe.
• Í Android símum og spjaldtölvum er hægt að fá rafbókarlestrarapp með því að leita að „e-book reading app“ eða þess háttar í Play Store.
• Í iPhone og iPad þarf að sækja bókina í niðurhalsmöppu. Í vafranum í tækinu (líklega Safari) á að vera lítil ör efst í hægra horninu sem vísar niður. Ef þú smellir á hana birtist listi yfir niðurhöl og þar smellirðu á bókina. Þá ættirðu að geta opnað hana í Books-forritinu.

Niðurhalshlekkurinn er virkur í 1 ár. Þú getur sótt bókina aftur og hlaðið henni niður í annað tæki í þinni eigu innan þess tíma.

Ekki er hægt að skila rafbók ef búið er að smella á niðurhalshlekkinn og sækja rafrænt eintak hennar.

Rafbók er rafræn bók ætluð til lesturs á skjá í þar til gerðu appi eða lesbretti.

Hljóðbók er upptaka af upplestri bókar. Sumar hljóðbækur eru fáanlegar á geisladiski á CD- eða MP3-formi en nýrri hljóðbækur koma aðeins út rafrænt. Þá er hægt að hlusta á þær beint í gegnum hljóðbókaapp Forlagsins eða í vafra í tölvu, spjaldtölvu eða síma.

Rafbækur af vef Forlagsins eru á ePUB-formi. Hægt er að opna ePUB-skjöl í Kindle-lestölvum með því að skrá sig inn á amazon.com og hlaða svo ePUB-skránni upp á amazon.com/sendtokindle. Þegar búið er að hlaða skránni upp er mikilvægt að haka við Add to your library og ýta svo á Send. Stuttu síðar ætti rafbókin að birtast í Kindle-lestölvunni þinni.

Hafðu samband við okkur á netfangið forlagid@forlagid.is ef eitthvað amar að og við reynum að leysa úr því eins fljótt og verða má.