Í Tungutak – Málsaga handa framhaldsskólum er fjallað um hugsanlegt upphaf tungumálsins, uppruni ritmálsins er skoðaður, íslensk málsaga reifuð og fjallað um helstu breytingar sem orðið hafa á íslenskri tungu í aldanna rás. Einnig er hugað að framtíðarhorfum íslenskunnar.

Höfundar Tungutaksbókanna, þær Ásdís Arnalds, Elínborg Ragnarsdóttir og Sólveig Einarsdóttir, eru allar kennarar við Kvennaskólann í Reykjavík. Hugleikur Dagsson myndskreytti bækurnar og gerði kápumyndirnar.

Kennsluleiðbeiningar og lausnir má finna á kennarasíðu Forlagsins. Aðgangur að því er bundinn við lykilorð sem fæst með því að senda póst á netfangið forlagid@forlagid.is.