Í Kattholti bjuggu systkinin Emil og Ída. Hefur þú heyrt um þau? Ef svo er þá veistu að Emil gerði skammarstrik næstum á hverjum degi og pabbi þeirra lét hann dúsa í smíðakofanum til að læra sína lexíu. Það gekk nú eitthvað hægt því Emil kunni ágætlega við sig í smíðakofanum. En aldrei fékk Ída litla að sitja þar því hún gerði sjaldnast neitt af sér. Þar til hún gerði svo svakalegt skammarstrik að meira að segja Emil brá við. En hvað gerði pabbi þá?

Þegar Ída litla vildi gera skammarstrik er hugljúf og bráðfyndin saga eftir Astrid Lindgren um uppátækjasöm börn og það óréttlæti heimsins sem þau verða stundum fyrir. Hún kemur nú út í nýrri þýðingu Þórarins Eldjárn.