Hvað ætlar þú að verða þegar þú verður stór?

Möguleikarnir eru óteljandi eins og Snær og kisan hans vita. Þau leggja af stað saman í ævintýralegt ferðalag og fljúga um himinhvolfin, binda bófa, heimsækja hallir og hitta meira að segja sjóræningja. Ímyndunaraflið færir þau heimsendanna á milli í leit að svarinu við spurningunni sem börn fá svo oft en er erfitt að svara.

Lára Garðarsdóttir er verðlaunaður rit- og myndhöfundur sem hefur einstakt lag á að fanga hugarheim barna og vekja athygli á fegurð hans.