Um bókina
Bæjarbúar flykkjast í sund á jóladag til að sjá ólympíumeistarann Rökkva Snæ sýna dýfingar. Eftir glæsilegt stökk neitar Rökkvi Snær að koma upp úr. Hvað varð um sundskýluna hans?!
Lögreglustjórinn reynir að aðstoða en fljótlega kemur í ljós að búið er að ræna verðmætum úr skápum sundlaugargesta. Ráðagóðu spæjararnir Lalli og Maja átta sig á að það eru ýmis brögð í tafli.
Sögurnar um Spæjarastofu Lalla og Maju henta vel fyrir krakka sem vilja æfa lesturinn því letrið er stórt og setningarnar stuttar. Spæjarar á öllum aldri lesa Ráðgátubækur Martins Widmark aftur og aftur – og í hvaða röð sem er.
Æsa Guðrún Bjarnadóttir þýddi.
