Jökli Valssyni hefur tekist að spinna bráðlifandi tragí-kómíska lýsingu á raunum ungs gæfulauss einstaklings sem þráir hið ljúfa líf og skjótfenginn gróða en uppsker ekkert nema vandræði sem vinda upp á sig þar til uppgjör er óumflýjanlegt. Jökull vakti mikla athygli fyrir sína fyrstu skáldsögu, hrollvekjuna Börnin í Húmdölum, og kemur nú á óvart með kraftmikilli samtímasögu úr Reykjavík.