Í þessari þriðju bók um miðbæjarrottuna Rannveigu kynnist hún gömlum fjósketti sem saknar sveitarinnar og segir húsin í Reykjavík bæði ljót og leiðinleg. En með hjálp frá Rannveigu og ömmu Bardúsu fer Fjalar fjósköttur að sjá borgina með öðrum augum. Bókin er bæði fróðleg og ríkulega myndskreytt en sagt er á skemmtilegan máta frá sögu nokkurra merkra húsa í Reykjavík og hvernig virkja má ímyndunaraflið og skilningarvitin til þess að auka skynjun okkar á byggingarlist og umhverfi okkar almennt. Bækurnar um Miðbæjarrottuna hafa verið vinsælar til útikennslu í skólum.

Auður Þórhallsdóttir er höfundur bæði texta og mynda.

Um höfund:

Auður Þórhallsdóttir er fædd árið 1974. Hún hefur áður gefið út barnabækurnar Með vindinum liggur leiðin heim (2022), Miðbæjarrottan: Þetta kemur allt með kalda vatninu (2022), Miðbæjarrottan: Borgarsaga (2021) og Sumar með Salla (2013) en auk þess gaf hún út barnabókina Tönnin hans Luca/El diente de Luca (2016) í samstarfi við Pilar Concheiro.