Um bókina
Töfrar lífsins gerast í lítilli vík í norðri þegar andarungar skríða úr eggjum. Andamamma brýnir fyrir börnum sínum hversu mikilvægt sé að halda hópinn en einn þeirra gleymir sér yfir undrum veraldar og týnist. Gamall lífsreyndur hundur finnur ungann og með þeim tekst einstök vinátta. Þrátt fyrir að unginn finni öryggi og ást hjá hundinum og fjölskyldu hans þá býr innra með honum þrá eftir frelsi fuglanna.
Auður Þórhallsdóttir er höfundur bæði texta og mynda. Hún er fædd árið 1974. Hún hefur áður gefið út bækurnar Miðbæjarrottan: Þetta kemur allt með kalda vatninu, Miðbæjarrottan: Borgarsaga, Sumar með Salla og Tönnin hans Luca/El diente de Luca í samstarfi við Pilar Concheiro.
