Um bókina
Það eru að koma jól. Hallgrímur hlakkar til en hann hefur nóg að gera meðan hann bíður. Mitt í öllu annríkinu verður svo óvæntur atburður – hálfgert kraftaverk.
Jólin hans Hallgríms segir frá aðventunni í Gröf á Höfðaströnd árið 1621 þegar Hallgrímur Pétursson er sjö ára gamall. Þótt margt hafi breyst á fjórum öldum er ýmislegt kunnuglegt við jólahald heimilisfólksins í Gröf, og þá eins og nú kviknar ljós í hjörtum mannanna þótt myrkrið grúfi yfir.
Steinunn Jóhannesdóttir hefur skrifað sögulegar skáldsögur um bæði Hallgrím Pétursson og Guðríði konu hans. Hér kynnir hún Hallgrím í fyrsta sinn fyrir ungum lesendum í hugljúfri sögu sem prýdd er glæsilegum myndum eftir Önnu Cynthiu Leplar.
ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.
Hljóðbókin er um klukkustund að lengd. Höfundur les.
