Ekta jólabók frá Jenny Colgan!

Jólin á skosku eyjunni Mure eru nístandi köld og stórkostlega falleg. Nú er tími til að hjúfra sig fyrir framan arininn og hafa það huggulegt með ástvinum. Á Mure þýðir það örlitla viskílögg í glasi og væna sneið af skoskri jólaköku – nema fyrir Flóru sem stendur vaktina í Sumareldhúsinu, á þar að auki óvænt von á barni með Joel og hefur ekki hugmynd um hvernig hún eigi að segja honum frá því …

Á sama tíma reynir sýrlenski læknirinn Saif að njóta fyrstu vestrænu jólahátíðarinnar með sonum sínum. Getur hann leyft sér að gleðjast og opna hjartað á meðan eiginkonu hans, sem hvarf í stríðinu í Sýrlandi, er enn saknað?

Fjórða bókin í Mure-bókaflokknum, framhald af Sumareldhúsi Flóru, Ströndinni endalausu og Á fjarlægri strönd.