Í Eldhuganum, lifandi og skemmtilegri sögulegri skáldsögu, leiðir Ragnar Arnalds okkur inn í reyfarakennt líf hugsjónamannsins, ofurhugans og kvennamannsins Jörgens Jörgenssens eða Jörundar Hundadagakonungs eins og við þekkjum hann best.

Dapurlegt lífið í Reykjavík vatnskarla, þjófa, yfirstéttar og lúinna hversdagsmanna tekur á sig nýjan og óvæntan svip þegar Jörundur og félagar ráðast til uppgöngu fullir eldmóðs og fyrirheita,  lofa gulli og grænum skógum, frjálsri verslun, jafnrétti og bræðralagi. Föngum er sleppt og ráðamönnum gefið langt nef; nú skulu menn vera frjálsir í hugsun og verki, skemmta sér og öðrum og takast á við nýtt líf í gjöfulu landi: fátækt, hörmungum,  sjúkdómum og hvers kyns erfiðleikum skal útrýmt, almenningur skal njóta menntunar og bjartsýnin ein ráða för.

Eldhuginn: sagan um Jörund hundadagakonung og byltingu hans á Íslandi er fyrst og síðast saga óbilandi og kraftmikils draumóramanns sem lætur sér ekki segjast og gefst ekki upp fyrr en í fulla hnefana.

„Bráðlæsileg og spennandi.“
Illugi Jökulsson / TALSTÖÐIN

„ … rennileg og myndræn, vel stíluð og hárfínt jafnvægi ríkir milli skáldskapar og sagnfræði … raunsæisleg og sannfærandi.“

Steinunn Inga Óttarsdóttir / MORGUNBLAÐIÐ

Hann var stríðsfangi Breta.

Danirnir hötuðu hann og litu á hann sem svikara.

Íslendingar tóku honum með tortryggni.

Hvernig náði hann völdum

og hvað varð honum að falli?

Sagan af ævintýralegum ferli sjómannsins

sem gerðist ríkisstjóri Íslands um átta vikna skeið