Um bókina
Hvaða afleiðingar hafa áföll í æsku, brotin sjálfsmynd, brestir í hjónabandi? Eða óttinn við að horfast í augu við sjálfan sig? Við erum öll að glíma við eitthvað, leita jafnvægis, eins og Jónatan sem fer á Snæfellsnes til að biðjast fyrirgefningar og skrifa sig frá erfiðum æskuárum.
Fyrir vestan kynnist hann áhugaverðu fólki sem hristir hressilega upp í honum og löngu týndar tilfinningar blossa upp að nýju.
Þarf hugrekki til að vera ástfanginn af lífinu?
Ó þið sem hafið lokast inni í sjálfbyggðu völundarhúsi.
Eruð þið ekki lángþreytt
á að rekast aftur og aftur
á sama vegginn?
Snúið ykkur við
sjá dyrnar eru hérnamegin
Úti er hábjartur dagur.
– Dagur Sigurðarson
Þorgrímur Þráinsson er einn ástsælasti rithöfundur þjóðarinnar sem hefur á löngum ferli snert lesendur með bókum sínum. Ég kom til að gráta er áhrifamikil saga, skrifuð af einstöku næmi, einlægni og hárfínum húmor.
