Um bókina
Atli er fjörugur og hress strákur sem elskar að leika sér. Besta vinkona hans heitir Lára og býr í næsta húsi. Þau skemmta sér vel saman, eru mjög uppátækjasöm og lenda í alls konar ævintýrum.
Atli fær verk í eina tönnina og mamma fer með hann til Elfu tannlæknis. Á biðstofunni hittir hann Láru og bangsann Ljónsa. Stóri stóllinn hennar Elfu er alveg furðulegur – Atla finnst hann eiginlega vera eins og geimskip úr framtíðinni sem er með lítil geislasverð, kíki og slímbyssur. Þetta finnst Atla spennandi!
