Um bókina
Guðmundur Jónsson er 54 ára verkamaður í Reykjavík, nýfluttur þangað frá Seyðisfirði. Vinur hans, giftur tælenskri konu, telur Guðmund á að veita Napassorn, tvítugri tælenskri fegurðardís húsaskjól meðan hún kemur undir sig fótunum í nýjum heimi. Þau kynni reynast afdrifarík.
Annað líf var önnur í röðinni af skáldsögum Auðar Jónsdóttur. Hún fjallar þar um vandasamt samlíf fólks af ólíkum uppruna af sömu hlýju og nærfærni og einkenndi fyrstu skáldsögu hennar, Stjórnlausa lukku, sem vakti mikla athygli og var tilnefnd til Íslensku bókmenntaverðlaunanna.
