Anna Shirley er á sautjánda ári og starfar sem kennslukona í heimabæ sínum, Avonlea. Hvatvísi Önnu, forvitni og bjartsýni setja mark sitt á bæjarlífið á meðan hún sjálf berst við ódælar kýr, óknyttadrengi og orðljóta páfagauka, auk þess að skipta sér af ástarmálum annarra. Vináttan og fjölskylduböndin eru henni eftir sem áður mikilvæg og þar skiptast á skin og skúrir. Anna í Avonlea er önnur bókin í bókaflokknum Anna í Grænuhlíð, en sú fyrsta kom út í fyrra í nýrri íslenskri þýðingu. Sagan kemur í fyrsta sinn út í óstytt.