Um bókina
Margaret Lea, ung kona sem vinnur í fornbókaverslun föður síns, fær bréf frá einum þekktasta rithöfundi Bretlands, hinni torræðu Vidu Winter. Í sex áratugi hefur Vida sagt fréttamönnum uppdiktaðar sögur úr eigin lífi en hefur nú tekið ákvörðun um að segja sannleikann um sína tragísku og leyndardómsfullu ævi.
Nokkuð hikandi fer Margaret til fundar við Vidu þar sem hún reynir að komast að hinu sanna um fortíð skáldkonunnar og afhjúpar í leiðinni margt sem áður var á huldu í hennar eigin lífi. Báðar verða þær að horfast í augu við drauga fortíðarinnar og þegar sannleikurinn kemur loks í ljós verður ekki umflúið að líf þeirra kollvarpist.
Þrettánda sagan er mögnuð frásögn af fjölskylduleyndarmálum, óvæntu dauðsfalli, eldsvoða, sifjaspellum, ást og geðveiki. Þetta er listilega skrifuð frumraun höfundar, sögð af miklum tilfinningahita og töfrandi frásagnargáfu.
