Á stærstu eyju veraldar, Grænlandi, býr tíu ára pjakkur sem heitir Emil. Búsettur í Ilulissat við friðlýstan ísfjörð á heimsminjaskrá UNESCO.
Hvert sem Emil fer er hann með fótboltann með sér. Undir höndinni, á lærunum, á ristinni, á tánum eða uppi á haus. Hann er nánast því rafmagnaður.
Þrátt fyrir hæfileika Emils í fótbolta, þá rennur einnig saltvatn í æðum hans, ásamt aldagömlu veiðieðli þjóðarinnar. Að veiða í matinn til að lifa af.
Einn daginn er Emil á netaveiðum með afa sínum og ömmu þegar hann fær óvænt stelpu í netið.
Það kemur honum í vanda og flækir málin töluvert en á sama tíma upplifir hann ótrúleg ævintýri.