Strætóinn kemur / Spjátrungur með hatt fer inn /
Ágreinings gætir / Seinna rétt við Saint-Lazare /
Snýst allt um eina tölu

Þessi stutta saga er sögð níutíu og níu sinnum á níutíu og níu mismunandi vegu í þessari einstöku bók sem notið hefur fádæma vinsælda. Á ótrúlegan og bráðskemmtilegan hátt sýnir höfundur margvíslegar hliðar tungumálsins og reynir á þanþol þess.

Stílæfingar er eitt af meistaraverkum franskra nútímabókmennta. Verkið hefur verið þýtt á tugi tungumála en kemur nú í fyrsta sinn út á íslensku í vandaðri þýðingu Rutar Ingólfsdóttur.