Spurningakannanir eru mikilvægt rannsóknartæki sem beitt er í nánast öllum þeim greinum sem fjalla um manninn á einn eða annan hátt — svo sem félagsfræði, sálfræði, stjórnmálafræði, markaðsfræði, uppeldisfræði, mannfræði, lögfræði og hagfræði, hjúkrunarfræði, iðjuþjálfun, lyfjafræði, læknisfræði, sjúkraþjálfun og tannlæknisfræði. Sama má segja um sumar greinar hugvísinda eins og heimspeki, málfræði og tungumál.

Meginstoðir spurningakannana — þ.e. spurningalistar og úrtakið sem svarar þeim — er aðalviðfangsefni bókarinnar, sem annars vegar er ætluð þeim sem nota spurningakannanir og hins vegar þeim sem búa þær til. En þar sem hver könnun er nýtt mælitæki verður hönnuður hennar ávallt að finna út úr því sjálfur hvernig eigi að gera hana úr garði. Til þess gagnast þessi bók vel.

Höfundarnir, Þorlákur Karlsson og Þórólfur Þórlindsson, eru einhverjir þeir reyndustu hér á landi á þessu sviði og hafa stundað rannsóknir á spurningakönnunum, sinnt kennslu í aðferðafræði og skrifað um efnið um þriggja áratuga skeið.