Skuggi ástarinnar er jafnan talið höfuðverk kúrdíska rithöfundarins Mehmeds Uzuns.
Baksvið skáldsögunnar er uppreisn Kúrda við Ararat gegn Tyrkjum á árunum 1927–1930, en hún var skipulögð af Khoyboun-hreyfingunni undir forystu Memduhs Selîms sem er aðalpersóna bókarinnar.
Í örlagasögu þessa útlæga kúrdíska menntamanns og frelsisbaráttumanns endurspeglast jafnframt örlög Kúrda, saga undirokaðrar þjóðar og baráttu hennar fyrir að halda í menningu sína, tungu og réttindi.

Memduh Selîm stendur frammi fyrir sígildri glímu – milli persónulegrar hamingju og hugsjóna, milli ástar til stúlkunnar sem hann elskar og ástarinnar til þjóðar sinnar.
Áhrifarík og ljóðræn söguleg skáldsaga um grimm örlög og sterkar ástríður.

Einar Steinn Valgarðsson þýddi.