5 umsagnir um Náttúrugripasafnið

1. Bjarni Guðmarsson – 20. október 2016

   „Sögur Sigrúnar Eldjárn hafa fylgt íslenskum börnum í gegnum undanfarna áratugi og varla sú manneskja til sem þekkir ekki eitthvað af verkum hennar. Sigrún er þeim kostum gædd sem rithöfundur að geta haldið áfram ár eftir ár að skrifa bækur, sem verða þó aldrei endurtekningarsamar heldur eru alltaf jafn innblásnar og hugmyndaríkar. Frásagnargleði og virðing fyrir lesandanum ræður ríkjum og klikkar ekki nú frekar en fyrri daginn.“
   María Bjarkadóttir, bokmenntir.is

2. Bjarni Guðmarsson – 20. október 2016

   
   „Bókin er mjög skemmtileg fyrir krakka á aldrinum 8–12 ára. Hún er spennandi og heldur manni við efnið.“
   Harpa Reynisdóttir, 15 ára / DV

3. Bjarni Guðmarsson – 20. október 2016

   
   „Þetta eru handhægar bækur, auðveldar í lestri, skrifaðar á fínu máli með persónulegum húmor Sigrúnar. Spennan er vel undirbyggð en slæst út í hreina fantasíu er á líður.“
   Páll Baldvin Baldvinsson / Fréttatíminn

4. Bjarni Guðmarsson – 20. október 2016

   
   „Sigrún Eldjárn kann að skrifa bækur fyrir börn, á því leikur lítill vafi. … Sagan er þrælspennandi og líkt og í öllum góðum spennusögum er um miðbikið fjölda spurninga ósvarað og fjöldi dularfullra persóna á kreiki svo ekki er annað hægt en að halda lestrinum áfram allt til enda.“
   Birta Björnsdóttir / Morgunblaðið

5. Bjarni Guðmarsson – 20. október 2016

   
   „Sagan er bæði skemmtileg og spennandi, en höfundur leggur líka lykkju leið sína til þess að fræða hina ungu lesendur sína … Hressileg saga fyrir fróðleiksfúsa og ævintýragjarna krakka.“
   Þórunn Hrefna Sigurjónsdóttir

Lesa fleiri umsagnir