Molloy er fyrsta skáldsagan eftir hinn heimsfræga rithöfund, Samuel Beckett, sem kemur út á Íslandi. Beckett er eflaust þekktastur fyrir leikrit sitt, Beðið eftir Godot, en flestir þeirra sem hafa fjallað um höfundinn og verk hans telja að skáldskapur hans rísi hæst í Molloy, snilldarlegri frásögn – og mjög fyndinni á köflum – af manni sem ferðast um á hjóli með stífan fót og hækjur í leit að móður sinni meðan staurfóturinn styttist og betri fóturinn stífnar. Sagan er draumkennd leiðsla gegnum tíma og rúm þar sem framvindan hverfist um bið, leit, minningar og minnisleysi – fánýti tilverunnar.

Bókin skiptist í tvo hluta. Í fyrri hlutanum segir Molloy sögu sína. Hann er tannlaus og illa til fara. Hann sefur á daginn og hugarstarfsemin virðist fyrst fara í gang þegar náttar – nákvæmlega eins og hjá Beckett. Í seinni hlutanum kemur Moran til sögunnar, sendur út af örkinni til að leita að Molloy.

Molloy var í hópi 100 bestu bóka allra tíma sem valdar voru árið 2002.

Höfundurinn hlaut Nóbelsverðlaunin 1969.