Þegar skothríðinni linnir liggja fimm ungmenni og kennari þeirra í blóðflaumi í skólastofu á Djursholm, auðmannahverfi Stokkhólms. En eitt þeirra er óskaddað …

Níu mánuðum síðar kemur hin átján ára Maja Norberg fyrir rétt eftir fangelsisdvöl og einangrun, þar sem skelfingaratburðirnir í skólastofunni rifjast stöðugt upp. Sæta, ríka, klára og vinsæla stelpan er nú orðin hataðasta ungmenni Svíþjóðar. Hvað var það sem Maja gerði – og hvers vegna? Og hvað gerði hún ekki?

Kviksyndi er snjallt, spennandi og vel skrifað réttarfarsdrama sem veltir upp ágengum spurningum um sekt og ábyrgð, refsingu og friðþægingu.

Malin Persson Giolito ólst upp á Djursholm og starfaði sem lögfræðingur í Brussel. Kviksyndi hefur vakið mikla athygli og verið seld til fjölmargra landa.

Eyrún Edda Hjörleifsdóttir þýddi.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 12 klukkustundir og 29 mínútur að lengd. Unnur Birna Backman les.