Í Mamara hafa risastórir sveppir tekið völdin og gleypa í sig fólk og dýr eyjarinnar. En hvernig gat eyjarskeggjum dottið í hug að strákur úr Rimaskóla gæti leyst þá úr ánauð? Í ævintýrinu um bleika fiska og bera kvenmenn lenda systkinin Rúnar og Gerður um borð í eldgömlu skipi þar sem ótrúlega margt minnir þau á sjómennsku afa þeirra.

Í síðustu sögunni segir frá stelpum sem kaupa mýs í gæludýrabúð þó að það séu engar líkur á að mamma þeirra samþykki slíka gesti á heimilinu. En mýsnar og stelpurnar eiga samt eftir að deila vistarveru lengur en nokkurn óraði fyrir.

Sögur Ólafar Völu eru spennandi og á köflum ískyggileg ævintýri um unglinga. Þau gætu gerst í næsta húsi. Sagnakonan er sex barna móðir og hefur langa reynslu af því að halda athygli barna og unglinga með frásagnalist sinni.