Söguhetjan, Guðrún Jónsdóttir, situr í Kaupmannahöfn og rifjar upp fortíð sína. Hún segir frá leit sinni að ástinni og harmþrungnum atburðum sem skekja tilveru hennar. En Guðrún Jónsdóttir rís úr öskustónni, því hún áttar sig á að örlög sín flýr enginn.

Þessi skáldsaga Þórunnar Valdimarsdóttur er spennandi og dramatísk ástarsaga sem hrífur lesandann frá fyrstu síðu. Sagan ber öll helstu höfundareinkenni Þórunnar og er auk þess afar læsileg og grípandi, lifir með lesandanum löngu eftir að lestri bókarinnar er lokið.