Yfirsýn Sigurgeirs Sigurjónssonar

  • Höfundur: Ritstjórn Forlagsins
Yfirsýn

Í þessari ævintýralegu ljósmyndabók Yfirsýn fáum við alveg nýja sýn á landið okkar – við sjáum það með augum fuglsins fljúgandi enda eru ljósmyndirnar teknar úr þyrlu.  Hér birtast óbyggðirnar í sínum óendanlega  fjölbreytileika og litagnótt, kynjamyndir í jöklum og klettum, ám og vötnum, fjörum, sjávarbrimi og fjallatindum, eins og málverk eftir ókunnan snilling.

Sjálf bókin er sérlega  fallegur prentgripur, seld í handunninni öskju og með hverri bók fylgir mynd, sérstaklega stækkuð af listamanninum sjálfum og árituð af honum. Bókin er í óvenju stóru broti, prentuð á vandaðan pappír svo að hver opna verður sannkallað listaverk.

Sigurgeir Sigurjónsson ljósmyndari hefur sent frá sér fjölda ljósmyndabóka með myndum úr íslenskri náttúru sem margar hverjar hafa náð miklum vinsældum, og nægir þar að nefna Íslandslag, Amazing Iceland og  Lost in Iceland.

Í bókinni er texti eftir Guðmund Andra Thorsson sem hugleiðir þessar mögnuðu myndir á sinn ljóðræna og íhugula hátt.

Bókin er væntanleg um miðjan október en í Hafnarborg mun opna sýning á myndum Sigurgeirs úr bókinni á fimmtudag, 29. október.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd