Vorkiljur

  • Höfundur: Ritstjórn Forlagsins
Eða deyja ella

Eða deyja ella

Í Chicago er lögreglukonu rænt um hábjartan dag. Af tilviljun er Jack Reacher á röngum stað á röngum tíma; við hlið hennar. Þau eru handjárnuð saman, fleygt aftur í sendiferðabíl og þannig hefst langt ferðalag þvert yfir Bandaríkin, þrungið spennu, hörku og óvissu þar sem fórnarlömbin hafa ekki hugmynd um af hverju þeim var rænt. Hollý Johnson er hörð af sér, hæfni hennar og styrkur vekja aðdáun Reachers. En kröfur mannræningjanna benda til hversu mikils virði hún er í raun. Í blóðugu kapphlaupi við tímann tekst Reacher á við sína verstu martröð.

Húsið við hafið

Í meira en 300 ár hefur hið dularfulla Kletthús sett svip sinn á Viskíströnd — en í huga stjörnulögfræðingsins Elis Landon er það griðastaður fjölskyldunnar. Eli hefur átt velgengni að fagna. Hann vann hjá góðu fyrirtæki, átti glæsilega konu og allt gekk honum í haginn þar til hann komst að því einn góðan veðurdag að konan hélt fram hjá honum. Þegar hún fannst myrt skömmu síðar var Eli grunaður um verknaðinn en ekki ákærður.

Paradísarfórn

Farþegaþota heldur af stað frá Stokkhólmi til New York. Skömmu eftir flugtak finnst hótunarbréf um borð. Kröfum er beint að sænskum og bandarískum stjórnvöldum; ef þær eru ekki uppfylltar verður flugvélin sprengd. Á að hætta við að vísa grunuðum hryðjuverkamanni frá Svíþjóð og leggja niður leynifangelsi í Afganistan – eða stefna lífi fjögur hundruð saklausra farþega í voða?

Sögusafn bóksalans

Fólk er ekki skáldsögur.
Fólk er samt meira en smásögur.
Fólk er eiginlega sögusöfn.

Líf bóksalans A.J. Fikry er í molum. Konan hans er nýlátin, búðin í bullandi taprekstri og búið að stela frá honum verðmætasta verkinu. Í sjálfskipaðri einangrun sinni á hann síst von á dularfullri sendingu sem skilin er eftir í búðinni hans: lítilli stelpu.



Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd