Vísundabók Villa væntanleg!

  • Höfundur: Ritstjórn Forlagsins
Vísunda-Villi

Vilhelm Anton Jónsson, einnig þekktur sem Vísinda-Villi, hefur nú lokið við skrif á nýrri bók sem fylgir eftir velgengni Vísindabókar Villa sem seldist eins og heitar lummur fyrir jólin. Þó gætir nokkurra áherslubreytinga í þessarri nýju bók en hún fjallar eingöngu um vísunda og ber nafnið Vísundabók Villa.

„Ég varð bara algjörlega heillaður af þessum mögnuðu dýrum,“ segir Villi þegar hann er spurður út í þetta áhugaverða efnisval. „Mér fannst bara kominn tími til að einhver gerði þessum skepnum skil. Það hefur lítið verið gert til kynna þær fyrir krökkum á Íslandi. Eitt sinn gengu hundruð milljón vísunda um gresjur Ameríku en stofninn hefur minnkað hratt á undanförnum árum og allt eins víst að hann hverfi alveg á næstu áratugum. Mér fannst tími til að hampa þessum mikilfenglegu dýrum – í það sem gæti reynst síðasta sinn í íslenskri bókmenntasögu á meðan þau enn lifa.“

Lesendur Vísundabókarinnar munu líka taka eftir töluverðum breytingum á aðalpersónu bókarinnar sem nú kallar sig Vísunda-Villi og ber fjaðraskrúð að hætti indjána á höfði. Eins hefur öllum vísindatólum verið skipt út fyrir örvamæla, reiðtygi og annað sem nauðsynlegt er indjánum. En er gamli góði Vísinda-Villi þá liðinn undir lok? „Nei, hreint ekki! Þið ættuð kannski frekar að ímynda ykkur Vísunda-Villa sem indjána-alter ego Vísinda-Villa. Vísunda-Villi er indjánanafn Vísunda-Villa, svipað og Litli-björn eða Stóri-úlfur. Allt til að gera karakterinn trúverðugan!“

Það er ljóst að aðdáendur Villa eiga von á góðu!

Þeir sem vilja forpanta bókina geta gert það hér.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd