Vika útgáfuboðanna!

  • Höfundur: Ritstjórn Forlagsins
Bókapartý

Nú fljúga bækurnar hver á fætur annarri út í heiminnog því ber að fagna! Vikan er þéttsetin útgáfuboðum hinna ýmsu höfunda svo ekki er úr vegi að gefa dálítið yfirlit:

Miðvikudagur:
Bryndís Björgvinsdóttir fagnar spánýrri bók sinni Hafnfirðingabrandarinn með 90s þemaboði í salarkynnum KEX Hostel við Skúlagötu. Hún lofar vel ígrunduðum 90s lagalista og Nirvana-köku svo þessu ætti enginn að missa af. Boðið hefst kl. 17.

Fimmtudagur:
Ófeigur Sigurðsson býður til samkvæmis á hinu gullfallega Hlemmur Square þar sem nýrri bók hans, Öræfi, verður fagnað. Bókin er magnaður óður um öræfi landsins, öræfi mannssálarinnar, öræfi íslenskrar menningar og vitnar um djúpan skilning höfundar á íslenskri náttúru og mannlífi í gegnum aldirnar.

Föstudagur:
Í Saga þeirra, sagan mín skráir Helga Guðrún Johnsson ótrúlega kynslóðasögu þriggja sjálfstæðra kvenna og sviptir hulunni af sögum sem hafa legið í þagnargildi alltof lengi. Útgáfu bókarinnar verður fagnað í Gunnarshúsi kl. 17.

Laugardagur:
-Útgáfuhóf Knúsbókarinnar eftir Jónu Valborgu Árnadóttur og Elsu Nielsen fer fram í Eymundsson Kringlunni milli 14 og 16. Afskaplega huggulegri og knúsvænni stemmningu er lofað!

-Gunnar Helgason blæs til bráðfjörugs útgáfuboðs í Eymundsson Smáralind kl. 14 í tilefni af útgáfu síðustu bókarinnar í Fótboltasögunni miklu en hún ber heitið Gula spjaldið í Gautaborg. Fótboltakeppni, happadrætti og Gunni les úr bókinni!

-Í tilefni af útgáfu bókar Kristínar Eiríksdóttur verður efnt til opnunar í Týsgallerí kl. 16. Útgáfan er með glæsilegasta móti en í henni má finna bæði ljóð og myndlist Kristínar. Um leið og útgáfu bókarinnar er fagnað verður opnuð sýning á verkunum úr bókinni.

-Halldór Armand sendi frá sér einn óvæntasta smell síðasta árs, Vince Vaughn í skýjunum,  og snýr nú aftur með sína fyrstu skáldsögu, DRÓN, sögu sem sprengir upp íslenskan samtíma. Hann býður í útgáfuhóf í bókabúð Máls og menningar, Laugavegi, kl. 17.

Bókaunnendur ættu því að hafa nóg fyrir stafni þessa vikuna! Komið og fagnið með höfundum þessarra frábæru bóka!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd