Verum fersk í janúar!

  • Höfundur: Ritstjórn Forlagsins
Lemondrengir

Undir lok síðustu viku kom út Djúsbók Lemon en hún er stútfull af sælkerasöfum og þeytingum, drykkjum sem bjarga deginum.

Í Djúsbók Lemon er að finna fjörutíu sælkerasafa og þeytinga úr besta fáanlega hráefni, einfalda, frísklega og stútfulla af hollefnum úr ávöxtum, grænmeti, skyri og náttúrulegu kryddi og bragðefnum. Drekktu þá á morgnana eða hvenær sem þú þarft á hollri orku og hressingu að halda og dansaðu skælbrosandi út í lífið!

Höfundar bókarinnar eru þeir Jón Arnar Guðbrandsson og Jón Gunnar Geirdal, eigendur Lemon, en þeir efna til heljarinnar veislu í tilefni af útgáfunni á Lemon, Suðurlandsbraut 4, fimmtudaginn 8. janúar kl. 16.

Dansaðu & djúsaðu með okkur! Boðið upp á sælkeradjúsa úr bókinni og bókin til sölu á staðnum.

Smelltu hér til þess að skoða uppskrift úr bókinni.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd