Verðlaunabók full af undrum ? Komin út á 50 tungumálum

  • Höfundur: Ritstjórn Forlagsins

„… metnaðarfull saga sem heldur lesandanum föngnum …“

Daily Express

Ánauðugur spænskur bóndi brýst undan oki lénsherra síns og leitar frelsisins í Barcelona með son sinn, Arnau. Drengurinn vex upp í skjóli kirkjunnar stóru sem lágstéttir borgarinnar eru að reisa að eigin frumkvæði. Hann finnur forboðna ást og þraukar í gegnum hungursneyð, stríð, drepsóttir og viðureign við hinn illræmda rannsóknarrétt. Um síðir efnast Arnau og öðlast virðingu samborgaranna en auðæfin vekja öfund og lævíslegt ráðabrugg hatursmanna hans hefur skelfilegar afleiðingar.

Ildefonso Falcones skrifaði Kirkju hafsins til að minnast fólksins sem byggði eina af fegurstu kirkjum heims á mettíma og af litlum efnum. Þessi viðburðaríka saga varð metsölubók á Spáni og hefur nú komið út víða um heim. Kirkja hafsins hefur hlotið ýmis verðlaun, þar á meðal spænsku skáldsagnaverðlaunin Euskadi de Plata 2006 og hin virtu ítölsku Giovanni Boccaccio-verðlaun 2007.

María Rán Guðjónsdóttir þýddi.

„Ég gat ekki lagt hana frá mér sársaukalaust … Ótrúlega heillandi bók … Kirkja hafsins er einstök bók … Kirkjan kveikti ljós í hjartanu á mér.“
Jenný Anna Baldursdóttir/ bókabloggari

„Æsispennandi og læsileg örlagasaga.“
Independent

„Hörkufín lesning… ein af þessum stóru, víðfeðmu epísku sögum, full af litríkum persónum og dýrðlegum sviðsetningum … grimmd, losti, nornaveiðar og til að auka enn á spennuna – Spænski rannsóknarrétturinn.“ Estella’s Books

„Saga sem maður les af jafnmikilli ákefð og hún er skrifuð, og þegar hún tekur enda vill maður meira. Frásögn full af undrum.“
La Vanguardia

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd