Verðlaunabók vel tekið!

  • Höfundur: Ritstjórn Forlagsins
Stine Pilgaard

Mamma segir eftir dönsku skáldkonuna Stine Pilgaard kom út hjá Forlaginu snemma sumars og hlaut í vikunni flottan þrjggja og hálfrar stjörnu dóm í Morgunblaðinu.

Gagnrýnandi Morgunblaðsins, Silja Björk Huldudóttir, hafði þetta að segja um höfundinn:

„Ástarsorg og mislukkuð tjáskipti eru meginþemað í fyrstu skáldsögu dönsku skáldkonunnar Stine Pilgaard sem nefnist Mamma segir. Fyrir skáldsögu sína hlaut Pilgaard árið 2012 verðlaun úr Menningarsjóði Bodil og Jörgen Munch-Christiansen sem veitt eru efnilegasta nýliðanum á bókamarkaði ár hvert. Bókin hefur að mestu hlotið afar lofsamlega dóma og góðar viðtökur í heimalandinu, ekki síst fyrir leik höfundar að tungumálinu sem Steinunn Stefánsdóttir þýðir af stakri prýði.“

Silja kom líka að söguþræði bókarinnar: „Mamma segir gerist á rúmlega tíu mánaða tímabili og fjallar um unga konu sem er sagt upp af kærustu sinni eftir þriggja og hálfs árs samband. Konan unga, sem er nafnlaus í bókinni, flytur heim á prestssetur pabba síns og reyndir þar að takast á við ástarsorgina með því að háma í sig sætindi, fara á fyllerí og leita ásjár hjá þeim sem standa henni næst á meðan hún lætur lokaverkefni sitt við háskólann sitja á hakanum. Í stuttum köflum bókarinnar birtast okkur samtöl ungu konunnar við pabba sinn, mömmu sína sem er hraðlyginn fasteignasali, lækninn sem eniblínur um of á efnafræðilega sambönd, kærustuna fyrrverandi og vonkonuna Mulle sem er iðulega með aldraða ömmu sína bundna í hjólastól í eftirdragi.“

Að lokum var niðurstaða Silju afar jákvæð: „Óhætt er að segja að persónugalleríið sé fjölskrúðugt, skemmtilegt og á köflum jafnvel gróteskt … afar hugvitsamlega samansett og eftir því skemmtileg aflestrar. Húmorinn leikur stórt hlutverk í bókinni og virkar oft vel…“

Mamma segir er tilvalin í fríið!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd