Veldu rétta kortið!

  • Höfundur: Ritstjórn Forlagsins

Hjá okkur færðu úrval ferðakorta og handbóka um íslenska náttúru og útivistarsvæði. Hvert er förinni heitið í sumar?

Ætlar þú …

að keyra um landið?
Við mælum með Ferðaatlasinum (1: 200 000), Kortabók Máls og menningar (1: 300 000) eða Ferðakortinu (1:600 000) fyrir þá sem aka um landið. Bækurnar eru gormaðar og því handhægar í hanskahólfið. Atlasinn inniheldur 26.600 örnefni og 78 ný kort – ásamt 47 kortum af þéttbýlisstöðum með upplýsingum um þjónustu s.s. gististaði, sundlaugar og tjaldsvæði. Kortabókin inniheldur 60 kortasíður og 38 kort af þéttbýlisstöðum með þjónustuupplýsingum. Aftast í henni er ítarleg nafnaskrá. Ferðakortið inniheldur nýjustu upplýsingar um vegakerfið, tjaldsvæði og sundlaugar og á bakhlið þess er handhæg vegalengdatafla.

að ferðast um ákveðinn landsfjórðung eða -hluta?
Þú hefur val um nokkrar gerðir korta sem skipta landinu upp. Nákvæmust eru Atlaskortin (1:100 000), viðamesti kortaflokkur sem komið hefur út. Þar er landinu skipt upp í 31 svæði. Þau eru fáanleg stök eða saman í öskju.  Landshlutakortin (1:200 000) skipta Íslandi upp í 8 jafna hluta. Þau henta vel ef ferðast á um stórt afmarkað svæði, s.s. Vestfirðina eða Austurland, það gera einnig Fjórðungskortin (1:300 000) sem skipta landinu í fernt og sýna því enn stærra svæði.

að ferðast á hálendinu?
Fyrir hálendisfara mælum við með Landshlutakorti nr. 8 (1:200 000) eða Hálendiskortinu ( 1:300 000) sem sýnir einnig GPS-punkta við helstu vegamót. Aftan á Hálendiskortinu eru líka lýsingar, litmyndir og listi yfir skála á svæðinu.

að fara í göngu?
Við mælum með Sérkortunum (1:100 000) eða Atlaskortunum (1:100 000) fyrir göngufólk og reiðmenn. Sérkortin eru ætluð þeim sem ferðast um vinsælustu útivistarsvæði landsins, þau eru mjög nákvæm og á bakhlið þeirra eru ítarlegri göngukort (1: 50 000), lýsingar og myndir af helstu náttúruperlum. Í Sérkorta-seríunni eru 12 mismunandi kort, þar á meðal af Fjallabaki, Skaftafelli og Hornströndum. Í Atlas-kortaseríunni er 31 kort í sama mælikvarða en þar eru til kort yfir öll svæði landsins.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd