Þúsundir barna veiddu vind í Hörpu

  • Höfundur: Ritstjórn Forlagsins
Veiða vind

Nýverið kom færeyska barnabókin Veiða vind út í íslenskri þýðingu Þórarins Eldjárns og um helgina var þetta líflega tónlistarævintýri flutt fyrir fullum Eldborgarsal Hörpu  við mikinn fögnuð. Áður höfðu ríflega fjögur þúsund börn hlýtt á ævintýrið á skóla- og leikskólatónleikum og var það mál manna að sjaldan hefði önnur eins gleði ríkt í Hörpu og þá daga.

Sagan er eftir Rakel Helmsdal sem er einn þekktasti barnabókahöfundur Færeyja og íslenskum lesendum að góðu kunn fyrir þátt sinn í bókunum um litla og stóra skrímslið. Janus á Húsagarði á heiðurinn af gullfallegum myndum bókarinnar og Kári Bæk sem samdi tónlistina við söguna.

Sinfóníuhljómsveit Íslands flutti  tónlistarsöguna með aðstoð Benedikts Erlingssonar leikara, en hann les söguna einnig inn á geisladiskinn sem fylgir bókinni.

Í tilefni af tónleikunum komu höfundarnir hingað til lands ásamt færeyskum útgefendum bókarinnar og  árituðu hátt í hundrað bækur að tónleikunum loknum.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd