Vandræðaleg og drepfyndin

  • Höfundur: Ritstjórn Forlagsins
Tobba Marinós

Vantar þig tilefni til dagdrykkju? Hér eru nokkur: Ömurlegir karlmenn, myglaðir draumar, hreyfiblinda, atvinnuleysi, kynlífsboð og -bönn og svo framvegis og svo framvegis …

„Sannleikurinn er oftar en ekki mun spaugilegri en nokkur skáldskapur. Ég gat eiginlega ekki haldið þessu rugli í mér,“ segir Tobba um nýju bókina. „Ég er viss um að það eru margir sem kannast við þennan vandræðagang sem fylgir þroskaferlinu. Því að verða ástfangin í fyrsta sinn, fatta að maður sé feitur, missa trúna á lífið, mistakast, finnast mikilvægt að safna servíéttum, verða óvart full, að vinna á Séð og Heyrt og reyna að komast í gegnum hvern einasta dag án þess að ganga af göflunum.“

Tobba Marinós heillaði fjölda manns með bókum sínum Makalaus og Lýtalaus. Í 20 tilefnum til dagdrykkju hleypir hún lesendum alveg inn að kviku með drepfyndnum, vandræðalegum og sorglegum sögum af sjálfri sér sem hver um sig gefur fullt tilefni til að skrúfa tappa af flösku og hella í glas. „Þessi bók er ekki ætluð til að breyta lífi fólks eða sem menningarlegt stórvirki heldur er hún mitt framlag til að gleðja fólk. Það að kalla fram bros og hlátur er vanmetið hlutverk í krefjandi þjóðfélagi eins og okkar. Það er einlæg ósk mín að fólk skelli upp úr við lestur þessarar bóka – þá er takmarkinu náð!“

Útgáfuhóf 20 tilefna til dagdrykkju verður haldið á Loft Hostel, Bankastræti 7, fimmtudaginn 15. maí kl. 17.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd