Vættir óskast! Þekkir þú slíkar?

  • Höfundur: Ritstjórn Forlagsins

Í tengslum við endurútgáfu ritsins Íslenskt vættatal eftir Árna Björnsson hvetjum við landsmenn til þess að kanna hvort einhverjar vættir vanti í ritið góða.

Ef þú þekkir sögu af trölli, kynjadýri, draugi, jólasveini eða öðrum holl- eða meinvættum sem ekki eru listaðar í bókinni mátt þú gjarnan senda okkur frásögnina á netfangið vaettatal@forlagid.is. Við höfum sérstakan áhuga á „nýlegum vættum“ en einnig þeim sem ekki hafa verið formlega skráðir í íslensk þjóðfræðirit áður.

Í Íslensku vættatali segir frá íbúum huliðsheima sem birst hafa alþýðu manna hér á landi í aldanna rás og allt fram á þennan dag. Þar má m.a. finna upplýsingar um álfa og huldufólk, tröll, dverga, kynjadýr, loftanda, jólasveina, fornmenn, landvætti, goðverur og drauga.

Í bókinni, sem hún hefur verið endurútgefin, eru nafngreindar helstu hollvættir og meinvættir í íslenskum sagnaarfi. Þeim er raðað í starfrófsröð og getið heimkynna, uppruna og helstu afreka. Vísað er í þjóðsagnasöfn og margvíslegar heimildir til frekari fróðleiks um verurnar og greinargóð kort benda á helstu dvalarstaði þeirra. Bókin hentar því einstaklega vel öllum sem vilja kynnast landinu og vættunum sem það geymir, hvort sem þeir leggja land undir fót eða láta hugann reika.

Árni Björnsson, sem þjóðkunnur er fyrir yfirburða þekkingu á íslenskum þjóðháttum, tók vættatalið saman og ritar auk þess inngang þess og eftirmála. Ritið hefur verið ófáanlegt um árabil en birtist nú í nýjum búningi, aukið og endurbætt.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd