Umhverfis Ísland í 30 tilraunum

  • Höfundur: Ritstjórn Forlagsins
Ævar Þór

Ævar vísindamaður verður vikulegur gestur í sjónvarpinu frá og með næstu viku með skemmtilegan vísinda- og tilraunaþátt fyrir alla fjölskylduna sem unninn er í samstarfi við Sprengjugengið úr Háskólanum, Marel og Vísindavefinn. þar verður íslenskt hugvit haft að leiðarljósi, alvöru og ímyndaðir vísindamenn birtast ljóslifandi og gerðar verða lífshættulegar tilraunir. Ævar hefur verið iðinn upp á síðkastið því í vor ætlar hann einnig að senda frá sér bók sem ungir og aldnir ferðalangar geta haft með sér út á hringveginn í sumar – jafnvel þeir sem ferðast bara í huganum.

Bókin ber titilinn Umhverfis Ísland í 30 tilraunum og geymir fjölmargar skemmtilegar – þarfar jafnt sem óþarfar – staðreyndir um landið okkar í bland við spennandi tilraunir sem hægt er að gera hvar og hvenær sem er. Ef þú ert ekki alveg klár á því hvar Kópasker er og manst ekki upp á hár hvaða Papa Papey er kennd við og langar líka að búa til þitt eigið eldgos ofan í plastflösku er bókin hans Ævars eitthvað fyrir þig!

Á vefsvæði sínu telur Ævar niður tímann fram að fyrsta þætti en þar má einnig finna sýnishorn úr þættinum, áhugaverðar staðreyndir og ýmislegt annað spennandi.

Skoðið þetta allt saman hér!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd