Um 60 þúsund bækur lesnar í lestrarátaki!

  • Höfundur: Ritstjórn Forlagsins
Lestrarátak

Í gær var dregið í lestrarátaki Ævars vísindamanns – framtaki á vegum Ævars Þórs Benediktssonar, leikara og rithöfundar, sem einnig er höfundur einnar vinsælustu barnabókar síðasta árs: Þín eigin þjóðsaga.

Átakið stóð frá 1. október síðastliðnum til 1. febrúar og fylltu börn í 1-7. bekk út lestrarmiða eftir hverjar þrjár bækur sem þau lásu. Eftir talningu kom í ljós að um 60 þúsund bækur voru lesnar á tímabilinu – sem er framar öllum vonum segir Ævar.

Vinningshafarnir fimm koma alls staðar af á landinu, þrír strákar og tvær stelpur.

Verðlaunin í átakinu eru einstök, en börnin fimm sem dregin voru úr pottinum verða gerð að persónum í glænýrri risaeðlu-ævintýrabók sem Ævar Þór er að skrifa og kemur út með vorinu.

„Bókin heitir Bernskubrek Ævars vísindamanns: Risaeðlur í Reykjavík og er æsispennandi bók um það þegar risaeðlur tóku yfir Höfuðborgarsvæðið og hvernig hópur af krökkum, ásamt 11 ára gömlum Ævari vísindamanni, reyndu að bjarga borginni. Rán Flygenring myndskreytir af sinni alkunnu snilld. Bókin kemur út í vor.“

Hinir fjölmörgu aðdáendur Ævars eiga sannarlega von á góðu í vor!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd