Tvær nýjar bækur um Kugg

  • Höfundur: Ritstjórn Forlagsins

Út eru komnar tvær nýjar smábækur um Kugg eftir Sigrúnu Eldjárn.

Í Listahátíð taka Kuggur, Málfríður og mamma Málfríðar sig til og leggja sitt af mörkum til Listahátíðar í Reykjavík. Mamma Málfríðar byrjar reyndar á því að safna saman öllum mögulegum listum, gólflistum, innkaupalistum og félagalistum, en Kuggur og Málfríður eru fljót að leiðrétta misskilninginn. Þá snúa þau sér að hinum æðri listum og áður en við er litið eru þau búin að flytja tónverk í Hörpu, leikrit í Þjóðleikhúsinu og setja upp myndlistarverk á Listasafni Íslands – allt með sínu lagi. Í bókinni birtast ýmsar þekktar persónur úr menningarlífinu sem gaman er að rekast á á nýjum vettvangi.

Ferðaflækjur er með allt öðru sniði. Þar fer Kuggur með mæðgunum í ferðalag og ýmsar flækjur verða á vegi þeirra, meðal annars orðarugl, dýr í fjöllum og skrautlegir bílar. Lesendur fá því ekki bara skemmtilega sögu heldur líka alls konar þrautir að glíma við – hvort sem þeir eru sjálfir á ferðalagi eða bara heima í rúmi.

Sigrún Eldjárn hefur sent frá sér tugi bóka fyrir börn á ríflega þrjáríu ára ferli sínum sem rithöfundur og myndskreytir. Nýju bækurnar um Kugg munu gleðja bókaorma frá þriggja ára aldri og eru tilvaldar til að taka með sér í ferð um landið eða gönguferð um miðbæinn.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd