Trú á ímyndunaraflið og mátt innlifunarinnar

  • Höfundur: Ritstjórn Forlagsins
Kristín Marja

Skáldsagan Karlsvagninn eftir Kristínu Marju Baldursdóttur, sem kom út hjá Máli og menningu í fyrra, er nýkomin út í Danmörku og um síðustu helgi birtist ritdómur um bókina í Information undir heitinu „Hugrökk í trú sinni á ímyndunaraflið og mátt innlifunarinnar.” Þar skrifar Erik Skyum-Nielsen meðal annars:

„Maður skilur vel að Kristín Marja Baldursdóttir hafi fundið hjá sér þörf fyrir að skipta úr sinfóníuformati hinnar gríðarmiklu skáldsögu um listakonuna Karitas yfir í blíða kammermúsík í nýrri bók sinni, Karlsvagninum. Bindin tvö um Karitas teygja sig yfir megnið af tuttugustu öldinni en í Karlsvagninum lætur höfundur sér nægja þrjá daga, og þar sem stóru bindin tvö gerðust um allt Ísland og úti í hinum stóra heimi erum við að þessu sinni stödd í sumarbústað – eða réttara sagt „vetrarbústað“ því þar liggur snjór yfir öllu. … Saman fara geðlæknirinn og unglingsstúlkan upp í sveit, spila hornskák, snæða pizzu, ganga um í snjónum. Og smám saman breystast valdahlutföllin svo maður verður efins um hvor sé að passa hvora. Gunnur fer að segja stúlkunni sögu fjölskyldu sinnar en smám saman þróast það sem hefst sem erfið uppeldisleg skylda í sálfræðilega talking cure eða alhliða sjálfsgreiningu. … Það er eitthvað algerlega heillandi við frásögnina af því þegar konan og stúlkan ganga saman inn í hús minninganna þar sem allir sofa, rétt eins og aðalpersónan svaf meðan þjófar léku lausum hala heima hjá henni. Auk þess sem mörg nothæf lífsviskan er fólgin í lýsingunni á móður Gunnar, ömmu og systrum – sterkum konum, harðgerum plöntum frá þeim tíma þegar Íslendingar litu á stritið sem æðstu dyggðina, sýndu föðurlandsást og hylltu iðni og dugnað. Þetta olli nefnilega, eins og sagan sýnir, varanlegum og nagandi kvölum. Inni í þessum dugmiklu, iðjusömu, fórnfúsu konum leyndust oft einmana, þrúgaðar, kúgaðar litlar stúlkur. Þess vegna verða samskipti virta geðlæknisins og hortugu unglingsstúlkunnar eiginlega á jafnréttisgrundvelli þegar fram í sækir. … Á heimavelli gerir skáldsagan upp við hvað það kostar að vera sterk íslensk kona með járnvilja og ábyrgðartilfinningu, en á heimsvísu hvetur hún hvern og einn til að hætta sér inn í hús minninganna og athuga hvort öll sagan um hann hefur nú verið sögð á enda.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd