Tröllakirkja í klassík

  • Höfundur: Ritstjórn Forlagsins
Ólafur Gunanrsson

Skáldsagan Tröllakirkja eftir Ólaf Gunnarsson er nýkomin út í ritröðinni Íslensk klassík hjá Forlaginu. Sagan kom fyrst út árið 1992, hlaut mikið lof gagnrýnenda og var tilnefnd til Íslensku bókmenntaverðlaunanna.

Þetta er efnismikil og dramatísk skáldsaga þar sem spurt er um sekt og fyrirgefningu, manninn og Guð. Aðalpersóna sögunnar er Sigurbjörn arkitekt, menntaður í Kaupmannahöfn. Hann hefur stórbrotin áform á prjónunum sem eiga að breyta ásýnd Reykjavíkur en örlögin grípa inn í atburðarásina og glæst áform snúast í harmleik.

Persónur eru margar og litríkar og frásögnin víðfeðm og spennandi, litrík og ljóðræn í senn. Um bókina sagði Kolbrún Bergþórsdóttir í Pressunni: „… feiknavel hugsuð saga sem býr yfir dramatískum þunga, skáldsaga sem kemur lesandanum beinlínis úr jafnvægi. Svo áhrifarík er hún að það er býsna erfitt að losa sig undan mætti hennar.“

Ólafur Gunnarsson (f.1948) er meðal helstu skáldsagnahöfunda á Íslandi og er skemmst að minnast skáldsögu hans Málarans sem kom út sl. haust og var gríðarlega vel tekið. Hann hefur samið tíu skáldsögur og auk þess smásögur, ljóð og barnasögur. Tröllakirkja var sett á svið í Þjóðleikhúsinu og hefur komið út í Englandi, Þýskalandi, Frakklandi, Tékklandi og Egyptalandi.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd