TMM stútfullt af spennandi efni

  • Höfundur: Ritstjórn Forlagsins
TMM2 2015

Á dögunum kom út 2. hefti Tímarits Máls og menningar árið 2015 og kennir þar margra grasa að vanda. Margrét Tryggvadóttir skrifar beinskeytta grein um stöðu barnabóka, sem á sérstakt erindi nú í ljósi ískyggilegra talna um ört minnkandi bóklestur en greinina má lesa hér.

Kristín Ómarsdóttir heldur áfram að tala við kollega sína og tekur að þessu sinni langt og skemmtilegt viðtal við Auði Jónsdóttur. Salvör Nordal og Hulda Þórisdóttir skrifa ádrepur um umræðuhætti okkar um þessar mundir og af því tilefni er líka rifjuð upp ræða Sigurðar Pálssonar á Austurvelli árið 2014. Guðni Tómasson skrifar fróðlega grein um sögu heiðurslauna listamanna og Eiríkur Örn Norðdahl birtir brot úr dagbók frá Víetnam.

Einnig eru í heftinu greinar eftir Steinunni Ingu Óttarsdóttur um Murakami, Böðvar Guðmundsson um örlög tveggja gamalla ljóða; sögur eftir Jóhann Þórsson og færeyska höfundinn Trygva Danielsen í þýðingu Bjarka Karlssonar og ljóð eftir Lindu Vilhjálmsdóttur, Valgerði Þóroddsdóttur, Kristian Guttesen, Helen Mitsios í þýðingu Ólafs Gunnarssonar og Adonis í þýðingu Sveins Einarssonar. Loks er í heftinu dómur eftir Þorgeir Tryggvason um bók Guðrúnar Evru Mínervudóttur, Englaryk.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd