Tindabikkjan afhent á laugardag

  • Höfundur: Ritstjórn Forlagsins
Glæpafelag Vestfjarða

Glæpafélag Vestfjarða verður með glæpsamlega samkomu laugardaginn 1. febrúar kl. 13. Glæpastundin mun fara fram á viðeigandi stað eða á Bókasafni Ísafjarðar þar sem allar glæpabækur þjóðarinnar eiga einmitt samanstað. Hápunktur glæpastundarinnar er að sjálfsögðu hin árlegu verðlaun Glæpafélags Vestfjarða, Tindabikkjan, verða afhent fyrir bestu glæpasögu síðasta árs. Það er óhætt að segja að síðasta glæpaár hafi verið glæpsamlega gott. Svo gott að miklar og átakanlegar umræðurnar, sem enduðu þó ekki á glæp þó tæpt hafi staðið, um hver væri besta íslenska glæpasaga ársins voru í raun alveg glæpsamlega langar. En nú hafa loks tekist sættir meðal félaga í Glæpafélagi Vestfjarða og komið er að því að tilkynna hver var besta íslenska glæpasagan árið 2013.

Handhafi bestu glæpasögunnar fær að launum hina eftirsóttu Tindabikkju auk þess sem boðið verður upp á upplestur úr verðlaunasögunni, glæpsamlega góðar veitingar og sitthvað fleira glæpsamlegt.

Allir velkomnir!

Þetta er fjórða árið í röð sem Glæpafélag Vestfjarða afhendir Tindabikkjuna fyrir bestu íslensku glæpasöguna á almanaksárinu. Yrsa Sigurðardóttir fékk verðlaunin fyrstu tvö árin og árið 2012 fékk Stefán Máni verðlaunin fyrir bók sína Húsið.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd