Tími til að tína!

  • Höfundur: Ritstjórn Forlagsins

Núna er náttúran í essinu sínu og  Jónsmessan á næsta leiti.  Hvað gæti verið betra fyrir okkur en að ná okkur í kraft og heilsubót frá jurtunum sem nú eru í fullum blóma og allt um kring?

Þá er tilvalið að grípa með sér bókina Íslenskar lækningajurtir, söfnun þeirra, notkun og áhrif eftir Arnbjörgu L. Jóhannsdóttur en þar er gerð grein fyrir lækningamætti íslenskra jurta og hvernig má nýta þær sér til heilsubótar. Nú er dagurinn langur og upplagt að ná sér í forða fyrir heilsuna en í bókinni er sagt frá hvernig við söfnum jurtunum, meðhöndlum þær, geymum og breytum í lyf og smyrsli. Íslenskar lækningajurtir er handhægt og gott uppflettirit sem á heima með kortabókunum í bílnum þar sem við getum gripið hana með okkur þegar við göngum út í náttúruna okkur til heilsubótar.  Læknum okkur sjálf í sumar!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd