Tilnefningar til Íslensku bókmenntaverðlaunanna

  • Höfundur: Ritstjórn Forlagsins
Tilnefningarmiði

Föstudaginn, 1. desember, var upplýst hverjir eru tilnefndir til Íslensku bókmenntaverðlaunanna þetta árið. Forlagið er stolt af höfundum sínum sem tilnefndir eru og óskar þeim innilega til hamingju.

Í flokki fagurbókmennta er Hallgrímur Helgason tilnefndur fyrir bók sína Konan við 1000° sem fjallar um Herbjörgu Maríu sem er ein og yfirgefin í bílskúr í Austurbænum og gerir upp viðburðaríkt líf sitt. Guðrún Eva Mínervudóttir er einnig tilnefnd fyrir bók sína Allt með kossi vekur en höfundur bryddar upp á þeirri nýjung að blanda saman myndasögum og texta sem veitir bókinni enn meiri dýpt.

Í flokki fræðibókmennta og rita almenns efnis er Sigríður Víðis Jónsdóttir tilnefnd fyrir áhrifaríka bók sína Ríkisfang: Ekkert sem segir frá flóttakonum sem fengu, ásamt börnum sínum, hæli á Akranesi. Saga kvennanna er rakin, veru þeirra í flóttamannabúðum lýst og sagt frá því hvernig þeim hefur tekist að aðlagast íslensku samfélagi. Ævisaga Gunnars Gunnarssonar, Landnám, eftir Jón Yngva Jóhannsson er einnig tilnefnd en bókin byggir á umfangsmikilli könnun heimilda, fjallað er hispurslaust um einkalíf Gunnars og skáldverk hans tekin til rækilegrar umfjöllunar og endurmats. Matreiðslu- og lífsstílsbókin Góður matur – gott líf í takt við árstíðirnar er einnig tilnefnd í þessum flokki. Höfundar eru hjónin Inga og Gísli Egill og sýna þau í þessari einstöku bók hvernig fjölskyldan getur notið þess besta sem lífið hefur að bjóða með því að þiggja gjafir náttúrnnar og elda síðan og framreiða það sem hollt er og gott.



Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd