Til lukku!

  • Höfundur: Ritstjórn Forlagsins
Kristjana Friðbjörnsdóttir

Kristjana Friðbjörnsdóttir hlaut á dögunum barnabókaverðlaun menntaráðs Reykjavíkurborgar fyrir bókina Flateyjarbréfin. Verðlaun fyrir þýðingu komu í hlut Böðvars Guðmundssonar sem þýddi smásagnasafnið Elskar mig – elskar mig ekki en það geymir smásögur sautján norræna rithöfunda, þar á meðal sögur eftir Jónínu Leósdóttur og Eirík Örn Norðdahl.

Í umsögn valnefndar um verðlaunabókina Flateyjarbréfin segir m.a.: „Flateyjarbréfin er bók sem kemur skemmtilega á óvart, hún er full af fróðleik og góðum boðskap. Jafnvel þótt maður klúðri hlutunum í hugsunarleysi má alltaf bæta fyrir brot sín. Söguna alla einkennir bæði hressilegur og léttur tónn.“

Í umsögn um þýðingu barnabókarinnar Elskar mig – elskar mig ekki segir m.a.: „Í kraftmiklum smásögum fá ungir lesendur innsýn í líf unglinga í átta norrænum löndum. Þýðandinn nær að fanga stíl og sérkenni hvers höfundar á látlausan hátt og er jafnframt óhræddur við að nota slangur og orðfæri sem flestum unglingum er tamt.“

Oddný Sturludóttir, formaður menntaráðs afhenti síðdegis barnabókaverðlaunin við hátíðlega athöfn í Höfða að viðstöddum fjölmörgum gestum. Hún sagði m.a. í ávarpi sínu að „góðar barnabækur væru vinir og ferðafélagar allt lífið, enda gömul sannindi og ný að fátt væri börnum betri gjöf en góð saga.“

Meðal gesta við verðlaunaafhendinguna voru sigurvegarar í Stóru upplestrarkeppninni sem lásu upp úr verðlaunabókunum og ungir hljóðfæraleikarar úr Tónskóla Sigursveins sem léku og sungu.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd