Til hamingju Andri Snær og Þórarinn!

  • Höfundur: Ritstjórn Forlagsins
Barnabókaverðlaun Reykjavíkur

Tveir mætir Forlagshöfundar hlutu í gær Barnabókaverðlaun skóla- og frístundaráðs Reykjavíkur, Andri Snær Magnason fyrir Tímakistuna og Þórarinn Eldjárn fyrir þýðingu sína á Veiða vind eftir færeyska rithöfundinn Rakel Helmsdal og Janus á Húsagarði, sem gerði myndirnar. Þetta er í fertugasta og annað skipti sem skólayfirvöld í Reykjavík verðlauna bestu frumsömdu íslensku barnabókina og best þýddu barnabók ársins á undan og engin bókmenntaverðlaun hér á landi eiga sér lengri sögu.

Andri Snær hlýtur nú Barnabókaverðlaun skóla- og frístundaráðs Reykjavíkur í fyrsta sinn en Þórarinn Eldjárn hefur fengið þau fjórum sinnum áður, tvívegis fyrir þýðingu og tvisvar fyrir frumsamið verk, í bæði skiptin ásamt Sigrúnu Eldjárn. Yngstu synir, Halldór og Ari Eldjárn, Þórarins veittu verðlaununum móttöku fyrir hans hönd og fluttu hugvekju frá föður sínum.

Tímakistan hlaut í ársbyrjun Íslensku bókmenntaverðlaunin í flokki barnabóka og er tilnefnd til Barnabókaverðlauna Norðurlandaráðs og Vestnorrænu barna- og unglingabókaverðlaunanna. Veiða vind hefur notið mikilla vinsælda í heimalandi sínu og tónlist sem samin var við söguna hefur verið flutt þar, en einnig af Sinfóníuhljómsveit Íslands í Hörpu.

Verðlaunin voru afhent við hátíðlega athöfn í Höfða þar sem sigurvegarar úr Stóru upplestrarkeppninni lásu brot úr verðlaunabókunum og nemendur í Tónlistarskóla Reykjavíkur léku nokkur lög. Elsa Yeoman forseti borgarstjórnar, Oddný Sturludóttir formaður skóla- og frístundaráðs héldu tölu og Margrét Kristín Blöndal formaður dómnefndar afhenti verðlaunin.

Við óskum Andra Snæ og Þórarni innilega til hamingju með verðlaunin!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd