Stórvirkið Saga tónlistarinnar

  • Höfundur: Ritstjórn Forlagsins
Saga tónlistarinnar

Í vikunni kemur út stórvirki Árna Heimis Ingólfssonar um tónlist á vesturlöndum frá miðöldum til nútímans. Verkið nefnist einfaldlega Saga tónlistarinnar, telur yfir 600 síður og er að öllu leyti hinn glæsilegasti gripur.

Tónlistin er töfrum slungin listgrein sem ekki verður til í tómarúmi. Hún mótast af tíðaranda og atburðum á sviði heimsmálanna, trúarbrögðum og kirkjupólitík, afstöðu valdhafa og smekk almennings á hverjum tíma.

Í þessari bók er fjallað á aðgengilegan hátt um vestræna tónlistarsögu allt frá kaþólskum kirkjusöng í upphafi 9. aldar til nýjustu hræringa í samtímanum. Hér má til dæmis fræðast um uppruna barokksins við hirðir á Norður-Ítalíu, áhrif upplýsingarinnar á Níundu sinfóníu Beethovens, samspil tónlistar og þjóðernisvakningar á 19. öld og áhrif stjórnmála 20. aldar á tónsköpun vítt og breitt um Evrópu. Lykilverk tónbókmenntanna fá sérstakt vægi en einnig er litið vítt yfir sviðið og rýnt í tónlistina bæði sem samtímaspegil og farveg tjáningar.

Saga tónlistarinnar er fyrsta yfirlitsritið um tónlistarsögu eftir íslenskan höfund og hentar jafnt tónlistarfólki, tónlistarunnendum og tónlistarnemum, sem og öllu áhugafólki um listir og menningu.

Árni Heimir Ingólfsson tónlistarfræðingur hefur getið sér gott orð fyrir texta sína um tónlist, meðal annars í efnisskrám Sinfóníuhljómsveitar Íslands. Hann ritaði bókina Jóns Leifs – Líf í tónum, hefur stundað umfangsmiklar rannsóknir á íslenskri tónlistarsögu og komið fram á fjölda tónleika sem píanóleikari og kórstjóri.

Útgáfuboð bókarinnar verður haldið í Hörpu á morgun, miðvikudaginn 6. apríl, kl. 17. Þar verður leikin tónlist og léttar veitingar í boði. Allir velkomnir.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd