„Stórbrotin skáldsaga, sjaldgæf lestrarupplifun“

  • Höfundur: Ritstjórn Forlagsins
Hannah Kent

Skáldsagan Náðarstund eftir Hönnuh Kent, sem setið hefur í efsta sæti metsölulista Eymundsson undanfarnar tvær vikur, hlaut í gær magnaðan dóm hjá Kvennablaðinu.

Í umfjölluninni segir Þráinn Bertelsson meðal annars: „Það rennur fljótlega uppfyrir mér að það sem ég er að lesa er alvöruskáldverk af hæsta gæðaflokki í frábærri þýðingu … Á síðum bókarinnar er lesandinn leiddur inn í harðan fátæktarheim íslenskrar alþýðu á fyrrihluta 19. aldar. Það er vitur og vandaður og velskrifandi höfundur sem leiðir mig og veitir mér innsýn í líf og tilfinningalíf Agnesar og rekur smámsaman sögu hennar, sögu fátæktar og umkomuleysi manneskju sem í rauninni á aldrei neitt nema lífið og tilfinningarnar í brjósti sér – og stendur nú frammi fyrir því að hún verði svipt þessu lífi. Við lesturinn kynnist ég og öðlast samúð með persónu sem ég þekkti ekki áður en mun búa í hugskoti mínu uppfrá þessu.“

Þýðing Jóns St. Kristjánssonar fær sömuleiðis undursamlega umsögn: „Þýðingin er svo fallega og nostursamlega gerð að unun er að lesa og eiginlega fannst mér að bókin hlyti að vera frumsamin á íslensku. Þýðandinn nær að nota nútímaíslensku sem hann gæðir andblæ nítjándu aldar, og ber hugkvæmni, vandvirkni og stílgáfu Jóns St. Kristjánssonar fagurt vitni.“

Að lokum skrifar Þráinn: „Náðarstund er bók sem vakti með mér hugsanir og tilfinningar sem aðeins örfáar bækur af þeim þúsundum sem ég hef lesið hafa gert. Þetta er bók sem ég legg frá mér fullur þakklætis fyrir sjaldgæfa lestrarupplifun, bók eftir vandaðan og hæfileikaríkan höfund sem ég mun svo sannarlega fylgjast með í framtíðinni.“

Ekki amalegt það! Við mælum með að sem allra flestir njóti þess að lesa Náðarstund!

Hér má svo lesa dóminn í heild sinni.


Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd